معلومات اكتر عن ال methods

---------------- #Methods ----------------

في ناس كتير لحد دلوقتي ال Method مش واضحه عندها وامتى تبقى Void وامتى يبقى ليها Return Value 😃.

الاول ال Methods دي Block of Code او ممكن نسميها Black Box بالظبط كده صندوق اسود مليش دعوه باللي جواه بتعمل حاجه معينه واما ترجعلك ب Result او تنفذ حاجه جواها وخلاص كده 😃.

- برضوا مش فاهم صح ؟ 😃 ، ولا يهمك تعالى نعمل شويه Methods هتفهمك الموضوع اكتر.

#Example 1 : ------------------------------

لو عاوزين نطبع كلمه Hello World دي 3 مرات هنعمل ايه ؟
بعيدا عن ال Methods هنكتب كده.

System.out.printlin ("Hello World");
System.out.printlin ("Hello World");
System.out.printlin ("Hello World");

طيب ايه رأيك نعمل Method نسميها printMessage تبعت لها الكلمه اللي عاوز تطبعها وعدد مرات طباعه الكلمه دي 😃 ، يلا نكتبها 👏...

void printMessage (String message , int num)
{
for (int i = 0 ; i < num ; i++)
{
System.out.println(message);
}
}

بس كده ✋😃 ، دي Methods هتستدعيها وقت ما تحب وتديها اتنين Parameters واحد String اللي هو الكلمه اللي عاوز تطبعها وواحد int وده عدد مرات الطباعه.

- طيب هستدعيها ازاي 😌 ؟! عادي جدا ، مثلا انت عاوز كلمه Success تظهر 3 مرات بعد Operation معينه ، هتكتب كده 😃...

printMesaage("Success", 3);

نقف لحد هنا ونتكلم شويه عن ال Method دي عشان نفهم اكتر 👌😃 ، بدأنا كتابه ال Method ب Void عشان مش محتاج انها ترجع Value دي مجرد Method بتطبع رساله.

يبقى دلوقتي لازم تكون فاهم يعني ايه ال Method اللي مش هترجع قيمه اللي بستخدم معاها void ، وازاي تبعت Paramters ودي واضحه جدا في ال Method اللي عملنها من شويه وازاي بعتنا لل Method كلمه وعدد واستخدمناهم جواها.

#Example 2 : ------------------------------

نعمل بقا Method تانيه بسيطه اسمها printMessage برضوا بس هتطبع الكلمه بعدد حروفها يعني كلمه Success مثلا هتطبع 7 مرات وعاوزها كمان ترجعلي عدد مرات الطباعه 😃.
int printMessage (String message)
{
int num = 0;

for (int i = 0 ; i < message.length() ; i++)
{
System.out.println(message);
num++;
}
return num;
}
ال Method ساهله جدا كل اللي عملته اني خلتها تاخد Paramter واحد اللي هو String message وهتطبعه بعدد حروفه وهترجعلي في الاخر عدد مرات الطباعه اللي بخزنها في Variable اسمه num وكل مره بيزيد مع ال loop ، واللي هو نفسه عدد حروف الكلمه برضوا ، بس عاوزك تعرف بس ازاي برجع قيمه لحاجه معينه بتحصل في ال Method.

- هنا بقا خليت ال method ب Return Value خليتها بترجع Result اللي هو عدد حروف الكلمه عشان كده استخدمت int مش Void 😃.

دلوقتي خلاص عرفت الفرق بين ال Method اللي بترجع Value وال Method اللي مش بترجع Value وملكش حجه ✋😃.

- طيب هستدعي ال method دي ازاي في الكود 🤔؟
لنفرض ان عندك كلمه "Success" عاوز تشوف عدد حروفها وتطلع عدد الحروف دي في رساله 😃.

دلوقتي مينفعش استدعي ال Method واسيبها كده في الكود ، لاني بمجرد ما اكتب...

printMessage("Success");

ده كده يعتبر رقم int وهو القيمه اللي عملتلها return من ال Method ، اللي هي عدد حروف كلمه Success اللي هو رقم 7.

فا طبعا مينفعش اكتب رقم 7 كده واسيبه في الكود ، هيطلع Error ، في طريقتين الاولى اني اخد الرقم ده واخزنه في variable int واطبع ال variable ده.
والطريقه التانيه اني اطبع الرقم في رساله على طول ، طيب تعالى نعمل الطرقتين 😃.

#Solve 1 : ---------
int number = printMessage("Success");
System.out.println (number);

#Solve 2 : ---------
System.out.println (printMessage("Success"));

------------------------------------------

- في جزء كمان وهو ايه static و public اللي بتتكتب قبل ال Methods ؟ يعني لو ال main مكتوبه كده

public static void main (String [] args)
{
}

ال public دي اسمها حاجه اسمها Access Modifiers اللي هما...
1. Public
وده يبقى متشاف في اي مكان فى الكود ، يعني لو كتبت Variable او Method ب public تقدر تستخدمه في اي Class تاني.
2. Private
ده هيبقى متشاف داخل ال Class بس.
3. Protected
ده هيبقى متشاف داخل ال Class وال Classes اللي بتعمل Inheritance منه بس.
4. (Default)
ده هيبقى متشاف داخل ال Package بس.

- طيب وال static دي ايه ؟😃
دي اسمها Non-Access Modifiers ، مش مهم نتكلم عنهم كلهم دلوقتي خلينا في static دي بنعملها عشان نحفظ ال Methods او ال Variables خارج ال Class يعني تعتبر جزء لوحدها منفصل خارج ال Class طيب ايه الفايده ؟🤔

الفايده اني ممكن اغير في قيم ال Methods او ال Variables من اي Class ومعتمدش على ال Class اللي كتبهم فيه بس.

---------------- #Task ----------------

- وهناخد Task بسيط عن ال Method 😃 ، شايف المثال التاني اللي فيه Method بتطبع الكلمه على قد عدد حروفها وترجعلي عدد مرات الطباعه ؟
انت هتعمل Method زيها بس مش عاوزها تطبع حاجه عاوزها ترجعلي عدد حروف الكلمه بس متعدش الحروف المتكرره...

يعني مثلا success عدد حروفها 7 بس لو معدناش الحروف المتكرره هنلاقيها 4 انا عاوز ال Method ترجع ال 4 دي وهكذا مع اي كلمه ترجع عدد حروف الكلمه من غير حروف متكرره 😃.

- وخلي بالك برضوا من الحروف ال Capital وال Small يعني نفس الحرف لو Capital يبقى مختلف عن ال Small.