الفرق بين ال Class وال Object

الفرق بين ال Class وال Object ؟؟

نبعد عن مفاهيم البرمجة والحاجات اللي في ناس مش فهماها ونجيب امثلة من حياتنا توضح اكتر 😃.

نعتبر ان ال Class هو الانسان وان ال Object ده شخص وليكن انت مثلا ، انت عندك كل صفات الانسان اللي هى الطول واللون وعدد الأيدي وعدد الارجل وهكذا ، يبقى دي صفات او بنقول عليها "Attributes" وكمان عندك افعال زي الكلام والنظر وكل الحواث ودي بنقول عليها "Methods"...

الصفات والافعال دي موجوده في كل إنسان وده بالظبط ال Class ان اللي جواه يكون مشترك بين كل ال Objects اللي بتتبني منه زي الاسم ، العمر ، والجنسية دي كلها لازم تبقى موجوده عند اي حد...

واي شخص يطلق عليه لقب إنسان يبقى Object وياخد صفات الانسان بس بتبقى خلاص صفاته هو وخاصة بيه يعني يبقى ليه اسم وعمر وجنسية مختلفة عن باقي ال Objects من نفس ال Class.

....................................................

هنتكلم عن حاجه تانيه مهمه من قواعد ال OOP وهي الوراثة "Inheritance" واللى هتفهمكم ال Class وال Object اكتر.

معانا نفس المثال برضوا ونيجي بقا نقسم الانسان ولد وبنت ، الولد عنده صفات الانسان والبنت عندها صفات الانسان برضوا بس في صفات مختلفة بينهم.
- طيب لما اجي اعمل Object من Class انسان وعاوزه يبقى فيه صفات الولد بس اعمل ايه 🤔؟!!

هنا بقا يظهر اهميه ال Inheritance ، واعمل Class للولد واحط فيه الصفات والافعال الخاصة بالولد ، وهكذا للبنت.

يبقى دلوقتي عندي 2 Classes واحد خاص بالولد وواحد خاص بالبنت واخليهم الاتنين يخدوا صفات ال Class انسان عن طريق ال Inheritance وهنا بنسمي ال Class انسان "Parent Class" وClass الولد او البنت "Child Class" وبالتالي كل صفات وافعال ال Parent بتنتقل لل Child...

- طيب انا كده هستفاد ايه ؟؟😂😂
هتستفاد لما تعمل Object يحمل صفات الولد هتبنى ال Object ده من Class الولد والولد طالما هو يرث صفات ال Parent Class "انسان" يبقى ال Object ده مش بس هيبقى فيه صفات الولد لأ والانسان كمان.

هنسأل سؤال مهم هنا بقا 😃.
- ممكن ال Class يعمل Inheritance من اكتر من Class ؟؟
الاجابة لأ ال Class لازم يبقى ليه Parent واحد فقط.

كده وضحنا الفرق بين ال Class وال Object وقولنا كمان ال Inheritance المطلوب منكم دلوقتي يكون عندكم مفهوم عام عن الحاجات دي وكل ما تكملوا في ال OOP هتكون وضحت اكتر 😃.