كل مايخص ال node

نخش ف الجد علي طول .. كلنا عارفين قد ايه الجافاسكريبت مشهوره و قويه جدا و قد ايه الcommunity بتاعها ضخم و كلنا أكيد حسينا بالكمية المهولة للمكتبات و الframeworks (الموضوع ده ممكن يكون وحش و حلو ف نفس الوقت https://youtu.be/DFP6UDgVJtE)

ممكن يكون من أشهر الحجات ف الجافاسكريبت حاليا هي النود .. لو مش عارف يعني ايه نود انا كتبت بوست قبل كدا بيشرح هي ايه و جات منين https://goo.gl/gRYg6L

= طيب انا عارف يعني ايه نود و عارف انها حلوه و لطيفه .. بس أقدر أعمل بيها ايه بالظبط؟

- مبدأيا كدا النود تقدر تستبدل أي لغه server side زي الphp بشكل كامل ... يعني لو انت عايز تعمل ديفيلوب لweb app تقدر ف الserver side تستخدم node بدل حاجه زي php أو asp
- النود ممتازه جدا ف الreal time apps زي مثلا انك تعمل شات أو multiplayer player games ... تقدر تشوف مثال شات بسيط انا عامله بالsockets.iohttps://goo.gl/qWGwGy
- تقدر تعمل desktop apps بالنود من خلال فريم وورك اسمه electron فيه برنامج مشهوره بتستخدم electron زي Atom text editor - Visual Studio Code - GitHub Desktop

= طيب حلو .. فهمت انا أقدر أعمل ايه بيها .. انا اتكيفت بصراحه .. عايز أتعلم بقي :D

فيه كورسات كتير كويسه للنود .. و انا بنصح بشده انك تشوف أكتر من كورس لأساسيات النود علشان تقدر تفهمها كويس أوي
أحسن كورسات مجانيه للنود من رأيي:
- Traversy Media
https://goo.gl/x24e76
- TheNewBoston
https://goo.gl/YjsDGk
- The Net Ninja
https://goo.gl/l6kTsI
أحسن كورسات مدفوعه من رأيي:
- Learn and Understand NodeJS (Udemy)
https://goo.gl/e7FIuP
- Building Web Applications with Node.js and Express 4.0 (Pluralsight)
https://goo.gl/6lqp4P
- RESTful Web Services with Node.js and Express <3 (Pluralsight)
https://goo.gl/kgBhpe

= طيب كويس أوي .. عرفت المصادر ايه .. أي نصايح تانيه؟

- طبعا انا مفترض انك فاهم و عارف جافاسكريبت كويس
- تعرف كويس ES6 / ES2015 (أخر نسخه من الجافاسكريبت) .. كورس كويس ليهاhttps://goo.gl/XgjqmB
- لما هتيجي تذاكر نود هتلاقي ان جوا الhtml بنستخدم حاجه اسمها template engine .. و ده علشان نقدر نكتب logic جوا الhtml .. ف لحسن الحظ فيه template engines كتير ممكن نختار منها كل واحد فيهم ممكن ياخد ف ايدك ساعه بس تتعلمه:
- Twig <3
https://goo.gl/QF5Z1f
- EJS
https://youtu.be/3Jz18kXCLwg
- Pug (previously Jade)
https://goo.gl/YM1eWj
- Handlebars
https://goo.gl/uzpTxr
فيه شويه كمان بس دول المشهورين
- اخر نقطه .. طبق مع نفسك كتير جدا .. قلد services كتير انت شايفها صعبه أو نفسك تعمل زيها .. اخترع مشاريع و اعملها .. النود زي أي حاجه ف البرمجه لازم تطبيق عليها كتير علشان تشوف مشاكل كتير و تتعود علي ازاي تحلها بنفسك .. انا شخصيها علشان أدرب علي النود و vue عمل clone ل trello تقدر تشوف التفاصيل ف البوست ده https://goo.gl/7WYFk9

- سيب جنيه و انت طالع :D
- لو عندك أي تعليق أو تعديل تحب تعمله قولي ف كومنت و انا هبقي أكتر من سعيد اني أعدل