كل مايخص MongoDB

أي حاجه فيها ديفيلوب ف الدنيا تقريبا لازم يبقي ليها داتا بيز علشان نخزن فيها الداتا .. اصل احنا مش هنشيلها ف كيس بلاستك يعني 😂

اتكلمنا قبل كدا عن يعني ايه نود و اننا ممكن نعمل بيها ديفيلوب زيها زي أي لغه برمجه تانيه زي مثلا PHP أو ASP أو Ruby
يعني ايه نود؟ https://goo.gl/SKXf8s
مصادر تتعلم منها النود: https://goo.gl/NTBu27

ف لكل لغه من دول عاده نوع من أنواع الداتابيز المفضل استخدامها معاها .. يعني تقريبا كل موقع هتلاقي معمول بالphp هتلاقي ان الداتابيز بتاعته MySql .. الداتا بيز المفضل استخدامها مع النود هي MongoDB
ليه التفضيل ده؟ https://goo.gl/Aci88k

يعني فيه أنواع داتابيز كتير؟ ... اه كتير فشخ :D
دول أشهر 5 أنواع من الداتابيز حاليا بالترتيب حسب موقع db-engines.com:
1- Oracle
2- MySQL
3- Microsoft SQL Server
4- PostgreSQL
5- MongoDB

= طيب يعني أفهم من كلامك ان mongo حلوه؟
و الله الموضوع نسبي ... يعني مينفعش تقول بشكل مطلق ان نوع معين من الداتابيز أحسن من التاني.
خليني أوضح شويه .. مونجو تعتبر NoSql database .. يعني مفيش tables و columns و طبعا بيخلي الداتا بتاعتك مش structured أوي زي Mysql مثلا .. ف بالتالي مونجو ف بعض الحالات:
- مونجو بشكل عام أسرع من Mysql ف بالتالي لو انت متوقع High Write Load يبقي مونجو مناسبه لمشروعك
- لو عندك كميه داتا ضخمه مونجو هتبقي أحسن .. لأن لو عندك mysql database عدت ال10 جيجا لكل table فيها ف الداتابيز هتبدأ تكح جبس منك 😂 .. لكن لو بتستخدم مونجو ف انت تقدر تshard الداتا بتاعتك وتوزعها علي كذا سيرفير وتبقي السيرفيرات connected مع بعض و تقدر تعاملهم ك داتابيز واحده .. ده طبعا ميزه ممتازه جدا لو عندك كميات داتا مهولة (انا لما دورت لقيت فيه مواقع بتوصل ل 5 - 20 تيرابايت)

= ده علي كدا مونجو صعب أوي التعامل معاها!
علي العكس تمام .. انت لو فاهم كويس جافاسكريبت و فاهم ازاي تتعامل مع Objects بشكل كويس هتلاقي الدنيا عسل خالص .. اما لو جاي من خلفيه mysql انت احتمال تشد ف شعرك 😂

= انا عايز أجرب مونجو بس مش بشتغل نود .. لازم اتعلم نود؟
لأ خالص .. تقريبا أي لغه برمجه تقدر تتعامل مع أي نوع داتابيز .. يعني لو انت php ممكن تنزل mongo driver عادي و تشتغل بيها ... و ممكن لو انت بتشتغل node لكن عايز تشتغل مع mysql تقدر عادي .. كل الإختيارات متاحه بس الي يشتغل 😂

= مين بيستخدم مونجو؟
فيه شركات و مؤسسات عملاقه بتستخدم مونجو زي:
- Google (in google maps as far as i know)
- Facebook
- CISCO
- ebay
- Barclays Bank
- CERN Collider <3
القائمة بالكامل: https://goo.gl/UdV3ZZ
ملحوظه: لما نقول ان فيسبوك بيستخدم مونجو معناها انهم بيستخدموا مونجو ف جزء أو ف service معينه ف الفيسبوك .. مش شرط انها الأساس عندهم

مصادر تتعلم منها MongoDB:
- TheNewBoston(الكورس مش كامل مع الأسف بس حلو بردوه شوفه)
https://goo.gl/8nFeiw
- Traversy Media (فيديو نص ساعه .. مش شامل كل حاجه طبعا لكن ممتاز كبداية)
https://youtu.be/pWbMrx5rVBE

موضوع أنواع و الإختلافات بين الداتابيز كبير أوي وفيه دراسات كاملة بتتعمل ف الموضوع ده .. و انا غير مؤهل اني اتكلم عن الموضوع بإستفاضه .. لكن فيه ناس مستواهم عالي جدا هيشوفوا البوست ده .. ف لو فيه أي نقطه مش سليمة أو مش دقيقه يا ريت تناقشني فيها .. و تقولنا انت بتستخدم ايه ف المشاريع الي بتشتغل عليها؟ ايه أسباب اختيارك؟

المصادر:
https://goo.gl/sV89eP
https://goo.gl/p4bpKY
https://goo.gl/Aci88k
https://goo.gl/sLeKC6
https://goo.gl/zxvNUo