شرح ال Interface للجافا

المقال ده عن ال Interface واستخدمه ازاي في جافا 😃 ، اولا ال Interface بيبقى كل ال Methods اللي فيه Abstract يعني بعملها Initialize بس من غير ما اكتب Body ليها.

- بالظبط زي كده...

Public Interface Click
{
void onClick (View v);
}

ده Interface اسمه Click وفيه Method اسمها onClick عملتها initialize بس ، ده كل اللي عاوزك تعرفه من المثال ده ✋😃.

- السؤال المهم بقا انا استخدم ال Interface امتى ؟!
زي ما قولنا قبل كده جافا مفيهاش Multiple-Inheritance يعني مينفعش اعمل Class يرث من اكتر من Class ، لازم يبقى ليه Parent واحد بس.
عشان كده جافا حلت المشكله دي بال Interface يعني اعمل Interfaces براحتك وال Class هيرث منها عشان ال Class ممكن يعمل Implements لاي عدد من ال Interfaces.

- لو مفهمتش الكلام ده او مش واضح ان شاء الله هتفهم من المثال اللي جاي ده 😃.

عاوزين نعمل Structure لفرقة موسيقية ولنفرض ان اول Class هنعمله هو ال Human واي واحد في الفرقه دي هيرث منه ، يعني ال Human هيبقى ال Parent Class لاي Class هنعمله.

Class Human
{
---------
---------
}

وبعد كده عاوزين نعمل Class اسمه Singer ، لحد هنا تمام عملنا Class ال Singer ده يرث من Human وفيه مثلا شويه Methods انه بيعرف يغني وهكذا.

Class Singer extends Human
{
---------
---------
}

وبعد كده عازين نعمل Class اسمه Musician وده اللي بيعزف على اي آله في الفرقه ، عادي جدا برضوا 😃.

Class Musician extends Human
{
---------
---------
}

وبعد كده عاوز اعمل Class للآلات اللي بيعزفوا عليها زي ال Guetar و ال Drums وهكذا ، بس هنا هتقبلني مشكله اني لو عملت Class اسمه Guetar مينفعش ال Musician ده يرث منه عشان هو بيرث من Human.

هنا بقا بستخدم ال Interface واعمل ال Guetar وال Drums دول Interfaces حتى لو في Musician بيعزف على اكتر من آله اقدر اضيفها عادي عشان زي ما قولنا ال Class ممكن يعمل Implements من اكتر من Interface 👌😃.

- وطبعا لما عملت Implements لل Interface من ال Class بيبقى لازم اكتب ال Methods بتاعته في ال Class.

Class Musician extends Human implements Guetar
{
---------
---------
}

- في سؤال مهم بقا لازم يتسأل هنا ، ممكن Interface يرث من Interface تاني ؟
مش هتكلم عنها دلوقتي هسيبكم تعملوا Search عن الموضوع ده وتجاوبوا في ال Comments ، وهبقى انزل بوست بعدين 😃.