لغة الجافا وانواعها

مش معقول تبقى بتتعلم لغة برمجة ومش عارف استخدامها وانواعها ايه ✋😃 ، فا هنتكلم في البوست ده عن تاريخ الجافا وايه انواعها وكل نوع بنستخدمه في ايه 😃.

الجافا هي لغة برمجة كائنية التوجه يعني بتعتمد على ال Object Oriented ابتكرها James Gosling سنه 1992 في شركة Sun Microsystems.

اول اسم لها "أواك" "Ouk" يعني شجرة السنديان وبعد كده كان مخترعها بيشرب قهوه اسمها "Java" فقرر يسميها Java وخدت شعار فنجان القهوه من كده.

الجافا اتعملت عشان تحل المشاكل اللي كانت موجوده في C++ ونجحت في كده بس سبب شهرتها انها (Write once, run anywhere) يعني تكتب كود جافا واحد يشتغل على اي نظام تشغيل سواء Windows او Linux او Mac.

- هنشرح في بوست تاني ليه الجافا بتقدر تشتغل على اي نظام تشغيل 👌😃.

وسنه 2006 جافا بقت Open source يعني اي حد يقدر يشوف الكود بتاعها ويعدل فيه وبعد كده شركه Sun Microsystems اتباعت ل Oracle وهي مالكه جافا دلوقتي.

جافا وصلت دلوقتي لحد اصدار رقم 8 واصدار رقم 9 موجود دلوقتي للمطورين واوراكل هتعلن عنه السنه دي.
_________________________________

نيجي بقا لجزء مهم وهي ايه انواع الجافا وكل نوع بيستخدم في ايه ؟ 😃
1. Java SE : Java Standard Edition
دي اساس الجافا اللي موجود فيا معظم المكتبات واللي بيتشرح في الفديوهات دلوقتي واي نوع تاني بيشتق من النوع ده ، بتستخدم في برمجه برامج Desktop وبرامج الاندرويد.

2. Java EE : Java Enterprise Edition
النسخة الاكبر والاكثر تقدم ، فيها مكتبات بتعمل برامج متقدمه زي التطبيقات الموزعه والتطبيقات متعدده الاطارات ، يعني بأختصار هي بتعمل برامج Web.

3. Java ME : Java Micro Edition
دي كان فيها مكتبات محدوده مخصصه للاجهزه الاصغر من الكمبيوتر وللموبايل قبل ظهور الاندرويد ومبقتش بتستخدم دلوقتي.