حجات حتساعدك وانت بتبرمج جافا

هنتكلم في المقال ده عن شويه حاجات هتساعدك وانت بتكتب الكود وبما انكم وصلتوا لل typ , Catch وال Exceptions هنتكلم عنهم كمان 😃.

ال Project بينسقم ل Packages ال Packages دي بيكون جواها ال Classes اللي بتعملها وال Main Class ، لما بتعمل برنامج ال IDE بيعملك default package دي اللي بتعمل جواها ال Classes.

بس المفروض وانت بتكتب برنامج انك تجزأ الكود لل Packeges يعني لو بتعمل برنامج لبنك ، تعمل package للحسابات مثلا وتحط جواها ال Classes وال Interfaces بتاعت الحسابات ، وتعمل package لل Database وتحط جواها ال Classes وال Interfaces بتاعت البيانات وهكذا.

وسهل جدا تعمل Package هتقف على اسم ال Project وتختار New Package وتختار اسمها ويكون بيبدأ بحرف Small .

- في Structure معين بنسمي بيه ال Packages وده هيساعدك في ال Android.
يعني لو موقع الشركه domain.com المفروض تقسيم البرنامج يكون...
com.domain.projectName

وبعد كده اي Package تعملها في البرنامج هيتكتب . وتبقا بعد projectName...

com.domain.projectName.PackageName

-----------------------------------------

ثانيا وانت بتعمل Class او Interface او Method يكون لهم وظيفه واحده بس ومينفش تعمل method واحده تعمل كل حاجه او Class وتكتب فيه methods كتير مش هتستخدمهم كلهم.

واخر حاجه ال try و Catch ، في اجزاء في البرنامج هيكون لازم تستخدمهم والبرنامج مش هيشتغل غير لما تكتبهم ، الأجزاء دي زي Connection ال Database وال Web Services وهكذا اللي البرنامج بيكون متوقع انه ممكن يكون في Exceptions.

بس حاليا هتستخدمهم لما يكون في جزء في الكود متوقع ان في Error عشان كده بتعمل Exception جوا ال Catch وتشوف المشكله وكل ما كان ال Exception محدد اكتر كل ما هتعرف ال Error اوضح.