بكل المسارات واللغات والاكتشافات واى حاجه اخرها اات
البوست ده انا قاعد بجهز فيه بقالى اكتر من يوم والله
بسم الله
============================================
** اول حاجه ايه هيا فروع مجالات البرمجه والتشعبات بتاعتها ببساطة جدا :
1- مجال تطبيقات الموبايل Mobile Application
2- مجال تطبيقات الويب Web Application
3- مجال تطبيقات الالعاب Game Application
4- مجال تطبيقات سطح المكتب Desktop Application
5- مجال الجرافيك Graphic Designers
6- مجال الشبكـات Network
7- مجـال الاختراق Hacking
============================================
1- مســار تعلم تطبيقــات الموباااايل : Mobile Application Track
---------------------------------------------------------------------------
دلوقتى فى 3 انواع اللى هما windows phone و Android و IOS
- لو عايز تعمل تطبيقات على windows phone يبقى تستخدم لغة السى شارب C#
- لو عايز تعمل تطبيقات على Android يبقى تستخدم لغة الـجافا Java
- لو عايز تعمل تطبيقات على IOS يبقى تستخدم لغة objective C او Swift
بيمسوا اللغات اللى بتستخدم فى جانب معين بمعنى انى قولت عايز تعمل تطبيقات على
كذا استخدم لغه كذا ... فاللغات ديه بيسموها Native Language عشان مخصصه
لحاجه او عمل شىء معين
- لو انت بقى عايز تعمل تطبيق معين يشتغل على كــل انواع الهواتف سواء windows phone او android او IOS .. بتستخدم منصه الـ xamrian
بيسموها Cross platform Application من خلالها بتقدر تعمل تطبيقات باستخدام
لغة الـ C# وتشتغل على كل الهواتف عادى
يعنى باختصار ال xamrian عباره عن منصة بتمكنك انك تعمل تطبيقات تشتغل على جميع
انواع الهواتف اللى قولناها فوق ديه
- فى حاجه تانيه اسمها Hybrid Cross Platform Application
ده عبارة انك بتدخل كذا حاجه مع بعض عشان تقدر برده تعمل تطبيقات تشتغل على كل الهواتف .... فتقدر تستخدم HTML و CSS و JS لعمل التطبيقات ديه من خلال
بقى cordova و ال phonegap ايه بقى دول
ال cordova عباره عن مشروع مفتوح المصدر بتستخدمه عشان تعمل تطبيقات
الهواتف تشتغل على كله الانواع واول توزيعه ليه هيا phonegap اللى بتمكنك تستخدم
لغات الويب اللى هيا html و css و js من انك تعمل تطبيقات هواتف
وبرده بتستخدم معاهم فريم ورك برده لتطبيقات الموبيال اسمه ال sencha
================================================
2- مسـار تعلم تطبيقات الويب : Web Application Track
-------------------------------------------------------------------
الويب بينقسم لجزئين وهما الـ Front End او تقدر تقول عليه ال Client Side
والـ Back End او تقدر تسميه برده ال Server Side
كل طريق ليه مسار معين
جزئيه الـ Front End :
هيا عباره عن الشكل او الواجهه اللى انت بتشوفها قدامك للموقع
وعشان تصمم حاجه زى كده لازم تكون ملم ببعض اللغات وهما :
- الـ HTML و CSS و JS دول الاساس اللى صعب تلاقى اى موقع مش
موجود فيه التلاته دول
- الـ HTML 5 و CSS 3 دول اصدارت جديده فيهم برده حاجات جميله جدا
- الـ jQuery ديه مكتبه معتمد على الجافاسكربت لازم تكون فاهم جافاسكربت الاول
- الـ Bootstrap ده فريم ورك بيخلى شكل الموقع مظبوط سواء على اللاب او الموبايل
- الـ Preprocessors زى Sass او Less : تقنيات جديدة بتطور فى كود ال css بتاعك وممتعين جدا
- الGulp عبارة task runner وتسهل علي المطور العمل وتحويل الملفات ولها بلايجن
بتسمحلك بحجات كتير بس اساسها انها بتوفر عليك وقت وبتقلل استخدامك للكومند لاين.
- الـ Canvas و SVG تقنيات بتساعدك فى الرسم وعمل برده العاب
- الـ Responsive and Mobile Design
- الـ Cross-Browser Development
جزئيه الـ Back End
وهو عباره عن الكواليس بقى اللى انت مش بتشوفها زى مثلا زرار search
اللى فى الفيس بوك لما تدوس عليه بيعمل شويه عمليات بقى عشان يجبلك النواتج
اللى انت عايزه ده جزء اللى بيسموا server
طيب عشان تتعلم الحاجات ديه لازم تعرف اى لغه من دول مش لازم كلهم :
- الـ PHP او الـ ASP
- الـ Node Js
- الـ Java
- الـ Django
- الـ Rails
كل ديه لغات برمجه تقدر تتعلمها
لو هتتعلم ال asp يبقى لازم يكون عندك خلفيه عن c#
لو هتتعلم ال node يبقى لازم تكون متمكن من ال js
لو هتتعلم ال django يبقى تتعلم قبليه ال python
فى لغات تانيه كتير بس دول اشهرهم يعنى
تقدر بقى تزود خبرتك ووتتعلم الحاجات ديه برده
- اتعلم laravel يعتمد على ال php
- اتعلم wordpress
- اتعلم Angular js
- اتعلم Vue js
- اتعلم Reach js
- اتعلم Ember js
- اتعلم Grunt Js
- اتعلم Coffee script
- اتعلم البرمجه الكائنيه oop
- اتعلم نظام ادارة المحتوى ال cms
تقدر تتعلم ال front و back وساعتها يبقى اسمك full stack
واهم حاجه بقى الداتا بيز .. فى انواع كتير عندك Sqllite او Oracle او Sql Server
اى واحده من دول مش لازم كلهم هتشتغل عليهم بالـ SQL
==============================================
3- مجال تطبيقات الالعاب : Game Application Track
---------------------------------------------------------------------
عايز تعمل العاب لنظام الويندوز ولا الاندرويد ولا ال ios
نقول كل طريق باذن الله وايه اللغات اللى مفروض تتعلمها
- عشان تعمل العاب تشتغل على نظام الويندوز او ماك لازم تتعلم اى لغه من دول :
الـ ++C او C
الـ objective C ااو الـ Swift
- الـ Java
- الـ C# او openGl
- عشان تعمل العاب تشتغل على الاندرويد اتعلم :
الـ Java او C++ او Open Gl
- عشان تتعمل العاب على IOS :
اتعلم ال c++ او objective c او swift
- تقدر تعمل العاب تشتغل على كل الانظمه سواء اندرويد او ويندوز او غيره
من خلال منصة xamarin عن طريق لغة C#
- ناس بتسأل السؤال بتاع هو العاب الفيس بوك ديه معموله بايه ؟
تقدر تعمل زيها ببساطه جدا باستخدم اللغات HTML CSS SVG
و WebGL و Ajax
- فى محركات بقى تساعدك فى حوار عمل الالعاب وكمان الالعاب اللى هتعملها
هتكون شغاله على كل الانظمه :
- عندك محرك المعروف جدا وهو ال unity تستخدم لغه ال c#
- عندك محرك الـ unreal بيعتمد على لغه c++
- فى غيرهم بقى زى ال source و cry engine
==============================================
4- مجال تطبيقات سطح المكتب : Desktop Application Track
----------------------------------------------------------------------
عايز تعمل تطبيقات او برامج زى مثلا الاله الحاسبه اللى على الجهاز
مش عارف برنامج موجود عندك على الجهاز الحاجات ديه يعنى
- لو عايز تعمل تطبيقات على الويندوز :
اتعلم java او C#
برده python او c++
- لو عايز تعمل تطبيقات على Mac :
اتعلم حاجه من دول : swift - objective c - C++ - python
- لو عايز تعمل تطبيقات على linux :
اتعلم : python -Bash - Java
- لو عايز بقى تعمل تطبيقات تشتغل على كل الانظمه كالعاده زى ما بنقول
تقدر تستخدم مجموعه من الاوبن سورس زى الـ electron و HAXE
تستخدم ال html و css و js برده مع الاوبن سورس دول وتعمل تطبيقات
تشتغل على كل الانظمه وبرده اكيد معاك ال sql
=============================================
5- مجال الجرافيك : Graphic Design Track
-------------------------------------------------------
المجال ده فيه 3 اقسام ولكل قسم طريق معين هنقولهم باذن الله
اول قسم هو رسومات الـ 2D
تقدر تستخدم الفوتوشوب او اليستريتور وال انديزاين فى الرسومات بتاعتك
وفى غيرهم برامج تانيه بس دول الاشهر يعنى
تانى قسم وهو الـ 3D
واشهر البرامج فى الاستخدام بقى هو المايا او C4d او 3Dmax
تالت قسم هو video او media
والقسم ده فيه جزئيين
الجزء الاول لو عايز تعمل مونتاج للفيديوهات
فتستخدم البريمير او السونى فيجس دول اشهر برنامجين ف المونتاج
الجزء التانى لو عايز تعمل visual effect
تستخدم بقى البرنامج الشهير وهو ال after effect عشان تعمل فواصل مثلا
اعلانيه او خدع او خيال علمى
============================================
6- مجال الشبكات : Network
----------------------------------
كل اللى اعرفه فى المجال ده انك لازم تكون عارف CCNA و CCNB
وياسلام لو عرفت ال CCIE وطبعا تحاول تاخد الشهادات ديه من Cisco
وف برده بعض اللغات البرمجيه اللى لازم تكون عارفها زى perl و python
مش هقدر افيد اكتر من كده للاسف :((
============================================
7- مجال الـ Hacking
------------------------------
- لو هتخش المجال ده لازم يكون هدف الخير وبلاش طريق الشـر
- لازم تكون عارف بعض اللغات البرمجه وهيا
ال C بالإضافة إلى لغة البايثون python و البي إتش بي PHP و Prel و JAVA ،وفيه شويه كتب ممكن تفيد :
Hacking Secret Ciphers with Python
Introduction to Web Services with Java
- لازم تكون كويس فى مجال الشبكات سواء lan wan vpn الحاجات ديه
- لازم تكون فاهم نظام البروتكولات و الشبكات ماشيه ازاى وتعرف الفروقات ما بين
ال udp و tcp
- لازم تكون عارف كويس جدااا وفاهم فى ال os سواء الويندوز او ال linux
- لازم تكون فاهم فى نظام التشفير وازاى تفك الشفرات والحاجات ديه
===========================================
- كده بفضل الله قولنا المجالات وازاى تتعلمها والمسارات اللى تمشى من خلالها
- باذن الله لسه هكمل وانى هنزل بقى القنوات اللى تعلمك كل الحاجات ديه باذن الله
- ياااااارب يكون البوست مفيد ولو بشىء بسيط
- اكيد فى كلام اكتر من كده بس انا حاولت اختصر بقدر الامكان
- دعوة كده بظهر الغيب وجزاكم الله عنى خيييرا
جوووووووود لاك
#شيربقى_وفيدغيرك
#حمزة_النجم