ايه هوا ال انجيولار

لو انت روش زيي و بتحب تخش ف قله الأدب ديه ف خليك جنبي

- ايه البتاع ده؟
= انجيولار بتاع كدا معمول بالجافاسكريبت .. هي فريم وورك بيساعدك تعمل web apps بإسلوب مختلف شويتين عن العادي .. يعني مثلا انت هتمشي بنظام الsingle page apps (بوست انا عمله عن single page apps .. https://goo.gl/ZifMeP) ف بالتالي انت بتمشي بنظام معين ف كتابه و توزيع الhtml و الcss و الjs

- ايه مميزات انجيولار؟
- Great MVC
لو انت مش عارف يعني ايه MVC ف انت فاتك كتير يا ابني والله .. الملخص انك بتقسم المشروع بتاعك تلات اجزاء كل جزء مختص ف حاجه معينه .. الM هي الModel و ده الجزء المختص بالتعامل و حفظ و عمل maintaining للداتا .. الV الي هي الView و ده الجزء الي بيشوفه المستخدم الي هو الUser interface .. اخر جزء الC و هو الController و ده بيبقي فيه الlogic بتاعك و هنا انت بتكتب الinteractions بين الModel و بين الView

- Built by Google
جوجل الي مكيفانا 😍 .. انجولار من انتاج اتنين روشين جدا اسمهم Misko Hevery و Adam Abrons عملوا مشروع جانبي أسمه GetAngular و بعد كدا دخلوا GetAngular ف واحد من منتجات جوجل اسمه Google Feedback ف لما مدير المشروع شاف GetAngular عجبته جدا الفكره و الstructure بتاعته .. ف قرروا ف جوجل انهم يتبنوا GetAngular و حولوه ل angular الي نعرفه النهارده

- Unit Testing Ready
لو انت بتعمل testing للكود بتاعك ف أحب أحييك .. انجيولار من الframeworks الي تقدر تعمل testing للكود بتاعك .. بحيث انت شغال علي مشروع عملاق .. ف بتعمل مثلا test لكل component .. ف انت ضيفت component جديد للمشروع و عايز تشوف الجديد ده هيأثر ف الحجات القديمه ولا لأ .. بدل م تعمل test بنفسك ف انت بتجهز test و بتعمله بس run كل مره بتضيف أو تعدل حاجه ف المشروع .. و لو فيه مشكله هتلاقي الtest طلع error و قالك يا حلو الكود بتاعك مش حلو

- Build cross platform mobile apps
انت تقدر تبني تطبيقات موبايل سواء اندرويد أو IOS لو انت مش نايم ف كهف ولا حاجه ف انت أكيد عارف انت دلوقتي فيه توجه واضح من الشركات و الtech industry بشكل عام ناحيه الcross platform apps و ده علشان الموضوع بيوفر فلوس و جهد .. ده طبعا مش معناه ان الnative هيختفي .. لكن الcross هينتشر بقوه

- طيب كدا انجيولار فشيخ .. معقوله مفهوش عيوب؟
= كلمه عيوب ديه كلمة مطاطه أوي 😂 .. فيه ناس بتعتبر angular صعب شويه انك تتعلمه علشان محتاج تتعلم شويه حجات قبل م تخش فيه زي انك لازم تتعلم typescript قبل تخش ف انجيولار
فيه ناس تانيه شايفين انه بسبب التغييرات الكتير الفتره الي فاتت في اصدارات angular ف الموضوع بيبقي صعب انك تتابع كل التغييرات و تبقي up to date بكل حاجه .. انا أظن ان الموضوع بقي stable دلوقتي و تقدر تخش برجلك اليمين

= بعض الأمثله لمواقع كبيره بتستخدم أنجيولار:
- The Guardian
- PayPal
- jetBlue
- Upwork
- Udemy
- Netflix
- Freelancer
- YouTube for PS3
- iStock Photo

- انا عجبني الموضوع فشخ .. عايز ابدأ!
بص يا سيدي .. انت طبعا تكون كويس ف الjs بشكل عام .. يعني تكون مخلص كورس أو كورسين كويسين ف الجافاسكريبت و ادربت كتير .. بعد كدا تمشي ف الكورسات ديه:
- Es6
https://goo.gl/XgjqmB (Traversy Media)
https://goo.gl/JrcWf4 (The Net Ninja)
https://es6.io/ (Paid course by Wes Bos)

- Typescript
https://goo.gl/9tjM55 (codedamn)
https://goo.gl/AJs3zt (TypeScript Fundamentals from Pluralsight)

- Angular 4
https://goo.gl/dvwMz3 (Angular 4 In 60 Minutes by Traversy Media)
https://goo.gl/zQNgnA (Awais Mirza)
https://goo.gl/fwdZbV (codedamn)
https://goo.gl/A6qB2s (Angular 2: Getting Started)
https://youtu.be/cChkPnpN15c (What is the difference between between angular2 and angular4?)

فيه frameworks مشابه لانجيولار زي react و vue و كل واحد فيهم هيبقي ليه بوست زي ده .. و كل واحد فيهم ليه مميزاته و ليه جمهور كبير .. ف stay tuned

** لو حد عنده معلومه بالنسبه للreactivity بتاعت angular 4 يا ريت يشارك المعلومة معانا

المصادر:
https://goo.gl/F2cJpa
https://goo.gl/gfRoSm
https://goo.gl/nwVS2Z
https://goo.gl/gTd4WN
https://goo.gl/C8feGf
https://goo.gl/muP44d

- سيب جنيه و انت طالع علشان مصر :D
- لو عندك أي تعليق أو تعديل تحب تعمله قولي ف كومنت و انا هبقي سعيد اني أحسن البوست
#Javascript
#Node
#Angular
#انجيولار

Eslam Nasser